DREJTORIA PËR SHËNDETËSI ELEKTRONIKE
SKRININGU
Në kuadër të Programit për zbulimin e hershëm të sëmundjeve malinje, Ministria e Shëndetësisë e zbaton në mënyrë aktive Programin për zbulimin e hershëm të sëmundjeve malinje, me fokus të veçantë në parandalimin dhe zbulimin e hershëm të kancerit të qafës së mitrës dhe kancerit të gjirit. Mos e shtyni, regjistrohuni!
Parandalimi është ilaçi më i mirë.
Shëndeti riprodhues i grave është i rëndësishëm për mirëqenien fizike dhe emocionale të tyre gjatë gjithë jetës. Shëndeti riprodhues është veçanërisht i rëndësishëm edhe për një pasardhës të shëndetshëm.
Gjatë cikleve të ndryshme të jetës, gratë përballen me lloje të ndryshme sfidash shëndetësore, ndër të cilat edhe kanceri i gjirit dhe kanceri i qafës së mitrës. Kontrollet e rregullta shëndetësore, të cilat përfshijnë ekzaminime gjinekologjike, PAP-testet dhe skriningun e gjirit, mund të ndihmojnë në zbulimin e hershëm të këtyre sëmundjeve. Zbulimi i hershëm i kancerit të qafës së mitrës dhe i kancerit të gjirit është jashtëzakonisht i rëndësishëm për fillimin në kohë të terapisë dhe për një trajtim të suksesshëm.
Ekzaminimi i qafës së mitrës
Programi i ekzaminimit të kancerit të qafës së mitrës synon rritjen e ndërgjegjësimit rreth shëndetit riprodhues.
Skrining mamografie
Skriningu përfaqëson kontrollin e grave pa simptoma të pranishme të sëmundjes, me qëllim që kanceri i gjirit të zbulohet në fazën e tij paraklinike.